探射燈：「寧願從來都無隆過胸」

「其實我唔係好貪靚，從來無諗過要隆胸整容，因為我本身個胸都有B cup，已經好滿意，直至當日被醫生游說隆胸，話我隆到C cup會靚啲，仲話老公會更愛我，我見好多明星都做，就心動。」阿雯身形瘦削，不足一百磅的她，配上C cup上圍實在略嫌誇張。女記者摸過她的胸部，脹鼓鼓的，很結實很硬；而且明顯看得出左邊胸部比右邊大和外擴。

自信全失 唔敢見老公

阿雯現在已經失去自信，經常躲在家不肯見人，訪問時她全程戴着太陽眼鏡，低下頭，連記者都不敢望；只見她不停落淚哽咽，「我真係好後悔，唔應該畀人氹兩句就去隆胸，依家老公打電話畀我話見面，我都唔敢見，好怕佢知道。」阿雯勸喻貪靚女士，不要盡信整容廣告，因為很多失敗個案是廣告中沒有提及的，必須三思而行。