一人一句講遊行
王同學（中五）
「以往只去過一次遊行，七一未去過，但今年可能會去，因為不滿國民教育內容偏頗，雖然政府已經讓步暫時擱置，但好不滿佢之前強推，又怕政府捲土重來再推。」
曾小姐（飲食業）
「車費、物價樣樣加，但人工又加得唔多，政府推行最低工資又令到唔少行業裁員，搞到基層生活壓力好大，政府應該做多點去平衡物價。」
蘇先生（街頭表演者）
「依家香港都無屬於一個自己的街頭表演區，七一上街希望爭取政府支持創意文化！早前貪曾貪湯事件亦令香港蒙羞，好想廉政公署快啲執法！」
周先生（零售）
「以往從無參加過遊行，今年好想行出來，因為呢個政府咩都做唔好，對學童支援不足，我哋一家五口申請公屋，成五年先第一次收到信揀樓，三年上樓承諾根本做唔到，一定要表達不滿！」
麥先生（退休人士）
「希望政府可以給予長者醫療津貼，因為香港有太多長者生活喺貧窮線以下，加上年老體弱多病，對生活造成好大負擔。」