消防處總部存放重要資料，保安顧問龔雁雄表示，政府部門保安若然鬆懈，除增加失竊機會外，更可能遺失重要物資。龔指：「消防總部有好多制服、設備，甚至機密資料，公眾人士自由出入，就算有閉路電視都有盲點，如果出咗事，閉路電視就算影到犯人，都唔係咁易搵得番佢。」
無閘機自出自入
龔補充，消防處可以效法警方，在總部進行區域限制，防止外人自出自入。他解釋：「喺唔同通道或出入口加設入閘機或電子鎖，只有持電子卡，才能出入不同區域，咁樣做不但防止外人出入，就算職員都入唔到其他部組嘅區域，咁樣保安會嚴密好多，確保重要資料唔會外洩。」