政情：八網難逃：自由黨青年團要買二手雪櫃

自由黨出晒名疊水，但估唔到年輕黨友想買部雪櫃都要網上籌旗。早前憑「工潮唔應該被工會介入」言論響朵嘅黨青年團主席李梓敬，尋日喺社交網站呻窮，話說該黨旺角辦事處開張三個月都冇錢買雪櫃，想帶飯嘅同事惟有捱附近嘅「貴價」外賣，請求有心人平賣二手雪櫃喎！該黨咁富貴都呻窮，真係聞所未聞。