上周六打風，又焗又熱，冇嘢好得過匿埋喺室內歎冷氣，但我哋就見到慈善家李惠利外孫兼華明行副總裁高偉國（Timothy），下午現身人多車多嘅銅鑼灣鬧市，見佢着住西裝行到身水身汗，期間入咗一間錶行同職員傾談，有講有笑。原來佢同朋友食完飯後，順便落區巡視旗下名錶嘅銷情。Timothy話，佢依家喺公司負責香港及海外市場，因為銅鑼灣係旗下鐘錶賣得最好嘅主要區域，所以要經常落去巡吓啲店舖喎，真係夠晒勤力。
