「小朋友嘅愛係好純潔，佢哋做所有嘢都係發自內心。」BB醫生創辦人阿翹及太太Vicki都是社工，有次帶大女喜而探望Vicki的外公，令手術後一直心浮氣躁的外公變得開朗，他們形容，小朋友的愛是天然、無添加，未受社會污染，足以融化長者的心。去年起，他們於網上招募半歲至六歲的小朋友探訪長者中心，透過不同活動以小朋友的「有機愛」為長者帶來溫暖。

身體接觸緩和腦退化

這天大班BB醫生到訪，長者中心與平日截然不同，電視機的聲音被小朋友的歡笑聲取代，小朋友主動和長者握手聊天，不少長者不禁摸摸小朋友臉頰，如見親孫，又為小朋友的天才表演拍手唱和。

「你好靚女喎！」老人家見BB醫生如見親孫，愛不釋手。

物輕情義重，小朋友親自貼上的貼紙令老人家心滿意足。

「好希望小朋友可以建立服務社會嘅價值觀，廿幾年後，佢哋可以投入社會服務。」阿翹慨嘆，現時的父母大都只專注培訓小朋友的技能，忽略了價值觀的培養，他希望以身作則，鼓勵同行和家長提供更好的社會服務。

每次探訪活動，阿翹及Vicki都會盡量安排小朋友與老人家有身體接觸，如握手、玩遊戲等，「一般人會唔想掂老人家，但如果小朋友真係同佢哋接觸，老人家會好溫暖。」而且透過身體接觸，可將外來刺激帶給老人家，有助緩和腦退化症徵狀，亦是BB的「醫術」。

被問到參加BB醫生活動開心與否，「逢探訪必到」的喜而笑而不答。Vicki笑說，三歲的喜而知道快要探訪長者時表現雀躍，經常問父母「聽日係咪去做BB醫生呀？」她更與阿翹笑言，「第時我哋住老人院，希望佢(喜而)第日啲仔女做BB醫生探我哋啦！」

小孩做義工 擴闊視野

現今社會，小朋友拚命學習，家長們埋首工作，對社會狀況一知半解。但BB醫生義工周先生及女兒一凛，就透過計劃對生活多了一點啟發。

「生活唔只係自己、屋企同玩，好多人需要幫助。」周先生已是第四次陪同女兒參與BB醫生的探訪活動，他認為小朋友多做義工可更加了解社會，認識更多不同階層的人，擴闊視野「佢（女兒）仲細，好多事你講佢唔明，要佢自己體會。」而周太則希望「幫得就幫」，因為需要幫助的人太多。

探訪結束後，一凛就跑去跟其他小朋友嬉戲。她透過活動認識了一群「志同道合」的朋友，經常跟父母說「可以見到佢哋啦！」周先生更認為計劃令自己及太太得益不少，「原來香港真係有好多老人家需要關心，而佢哋要嘅其實亦真係好簡單。」

文：馬鳳玲、溫盈盈

圖：關萬亨、陸智豪

提名熱線:3600 9999

Fax:3600 9900

E-mail:like@on.cc

逢周日刊出