白田邨重建通告蝦人睇
深水埗白田邨重建工程如箭在弦，房屋署計劃於六月三十日舉行「白田邨重建計劃社區參與工作坊」，以廣集居民意見。不過，黃女士指房署近日才於電梯大堂張貼通告，不少居民均對工作坊一無所知，「得嗰幾日時間畀人報名，張通告仲要係細細張，長者分分鐘留意唔到，不如唔好出啦！」
字體細 遲張貼
房署發言人表示，早前已去函邀請區議員及白田邨其中十五座的互助委會員主席，另於六月十九日晚上在餘下五座不設互委會的公屋張貼通告。接獲轉介後已即時安排將通告放大，倘有居民於報名期限結束後仍有意出席，該署會盡量安排。
「好多居民都好關心重建計劃，房署咁遲先通知居民，真係好令人懷疑係咪有心諮詢！」當區區議員吳美認為房署必須做好諮詢工作，涉及邀請居民出席的活動應作出妥善籌劃，達至真正嘅諮詢。