禍不單行 兄憂新工泡湯
【本報訊】所謂長兄為父，多年來一直兄兼父母職的阿洋，明日父親節前卻驚聞噩耗，痛失親人之餘更是禍不單行，待業多時的他最近終找到一份速遞公司司機的新工作，昨日原本興高采烈返新工，但整日忙於為胞弟後事奔走無法如期到職。阿洋嘆謂：「我打去話屋企有白事，今日返唔到工，對方就話：『你諗清楚啲，返唔到就算啦。』」並坦言自己好不容易才找到工作，但以新僱主的語氣，恐怕新工已泡湯，極感徬徨。
獨力照顧兩弟妹
阿洋昨憶述，自母親病逝後，當時年僅十八歲的他便肩起責任養育兩弟妹，他曾做過散工和搬運工人等工作，因收入有限工作時間又長，下班後三人的晚餐通常食罐頭便算，如是者過了幾年，弟妹倆現已讀完中五，怎料捱過如此苦日子，胞弟阿健卻在索K後走上不歸路。阿健早前曾在facebook透露對人生的無奈，更留言：「每次我都係做錯咗先識得知錯，但每次畀機會你都係重複犯錯！」其友人昨獲悉死訊後，在其fb留言慨嘆：「唉，點解要睇唔開？」