為反對佔領中環行動，愛護香港力量日前發起遊行，聲言要「愛護香港、守護中環」，期間更一度同市民發生口角，當時愛港力發言人陳淨心就解釋係愛港力成員「受人挑釁」。事隔幾日，陳淨心尋日喺社交網站有感而發話，佢作為愛港力對外發言人，每句發言都係代表愛港力，當佢受到惡意攻擊挑釁時，戰友群起保護佢係好正常嘅，但有啲別有用心嘅人以為鬧臭佢，就可以推垮愛港力，咁就肯定計錯數，因為呢啲心術不正嘅「牛鬼蛇神」愈鬧佢哋，佢哋就愈變得團結喎。
