政情：有相為證：響起「鋒」鈴

香港總商會尋日為慶祝該會一百五十二歲大壽，一如往年請全港市民免費搭電車及兩條渡海小輪航線。總商會立法會代表林健鋒（Jeffrey）（右）尋日就現身於西環電車總站附近，同總商會主席周松崗（左）一齊主持開幕禮，佢哋各手執一個古老又獨特嘅電車「叮叮」鐘鈴，搖響鐘聲，寓意活動正式開始。不過，唔知Jeffrey係咪受到早前拉布議員要求響鐘點人數嘅影響，連聽到電車鐘聲都諗起立法會，建議用呢個古老鐘鈴嚟提人開會都幾好喎，睇嚟拉布戰對建制派議員影響都幾深遠喎。