立法會議員黃毓民同陳偉業（大舊）因前年七．一遊行期間涉非法集結等罪名，分別被判監六星期及五星期，但緩刑十二個月。呢單案判決後，立法會建制派即傳出要罷免兩人嘅聲音，但雷聲大雨點小，傳來傳去都搵唔到爛頭蟀願意動議罷免議案。不過，自稱係「一個好正義嘅人」嘅蔣麗芸（Ann）尋日就拍心口話，佢明日會喺內務委員會提出動議，要求內會主席梁君彥喺立法會大會提出罷免兩人嘅議案喎。其實阿Ann早前已想提出動議，但礙於該黨怕蝕底未有共識，依家佢總算如願以償，有望出位。
