中環出更：龐愛蘭關注港青酗酒問題
沙田區議員龐愛蘭（Scarlett）本身係藥劑師，當然好注重個人健康，仲好積極推廣健康訊息。近期佢加入咗跨國組織「健康城市聯盟」，並獲推舉為督導委員會港區唯一成員，今年十月將到南韓原州市考察兼開會。講到香港首要改善嘅健康問題，Scarlett話要正視青少年酗酒嘅習慣。
被愛兒未成年買酒啟發
Scarlett首次意識青少年酗酒嘅問題，原來係由佢愛兒Andy身上啟發而來。話說佢年前將Andy送往澳洲留學，某次Andy返港度假，行超級市場經過賣紅酒嘅貨架時，尚未成年嘅Andy居然主動要買酒飲，仲話價錢平澳洲一大截。此時Scarlett驚覺，年輕人已將飲酒視為品味及享受人生嘅行為，忽視咗酒精致癌嘅害處。
Scarlett話，一般宣揚健康嘅活動，都係由政府發起、市民響應，聯盟正好相反，由下而上，讓大家自發性參與。佢話現正游說聯盟香港支部主席吳仕福、秘書長林正財一同前往南韓。佢又透露，聯盟國際大會將於明年首次在港舉行，會積極邀請各國代表來港參與。