親情至上 女強人為自閉兒棄厚職
【本報訊】曾任職跨國企業亞太區人力資源總監的馮太算是典型女強人，兒子兩歲時確診患上自閉症及中度智障，她決心放棄高薪厚職轉作全職主婦照顧兒子。旁人對她兒子的冷眼歧視，令她傷心落淚，為了成為稱職媽媽，十年前開始進修心理學，成為教育心理學家，陪伴兒子俊彥成長。昔日的失望、傷心已轉化為接受、感恩，十五歲的俊彥學懂蝶式游泳足以令她喜極而泣，「唔係人人都可以係第一名，但係每個人都會有自己長處同特點，作為家長要學識欣賞接受」。
俊彥是馮太的獨生子，兩歲時確診自閉症，馮太稱，「知道後心情好複雜，好大打擊、傷心、甚至內疚，係咪懷孕時做錯嘢呢？」日常生活小事亦不時令她情緒失控，「曾經因為佢食飯食到周圍都係，用匙羹掟凹張枱，事後好後悔。」
修讀心理學碩士加深了解
外出時亦曾面對社會人士奇異目光，「試過一次去快餐店食嘢，阿仔因為拎人嘢食畀人大鬧，我買完嘢食返去見到出唔到聲，只係即時流眼淚！」
為了更了解自閉症，馮太在俊彥四歲時辭去人力資源總監工作，修讀心理學碩士課程，現職協康會教育心理學家，令她更明白與自閉症兒童的相處之道，「好多人覺得係負擔，但係我覺得佢係我嘅天使，無咗佢唔會有今日嘅我，只係睇到好狹窄嘅商業世界。」明天是母親節，雖然俊彥不會主動與馮太慶祝，但她只期望俊彥健康快樂成長，有一個有意義的人生。