梯級防滑膠破損跣親途人
雨季剛至，家住杏花邨的陳先生日前行經杏花新城外的樓梯時，便因天雨路滑而險被跣倒，結果發現地面的螢光防滑膠已呈破損及鬆脫。事隔數周後，陳仍未見負責管理的港鐵進行維修，「落幾場大雨啲防滑膠已經甩晒，真係好兒戲，仲要爛咗幾個星期都冇人整，係咪要等到有意外先肯維修？」
「港鐵應該多啲巡」
港鐵發言人證實，受近日嚴重潮濕及天雨影響，有關防滑膠曾有破損，相關位置現時已用欄杆圍封，避免公眾使用，商場知悉情況後已即時通知維修工人跟進，並於日前重新鋪設防滑膠邊。
「港鐵有責任管理好轄下設施，應該多啲巡，唔好次次收到投訴先做嘢！」陳先生證實有關防滑膠已修妥，建議港鐵日後於雨季來臨前妥善保養及維修防滑設施，確保居民安全。