政情：有相為證：字畫「顯」貪念

面對五路追殺嘅「貪湯」前廉政專員湯顯明，過去連串貪腐醜聞日日新鮮鑊鑊金，其實一切貪念源於一幅字畫。我哋○三年曾報道過貪湯履新海關關長，當時佢仲介紹其辦公室掛咗幅一位道士朋友送贈嘅「知足知不足、無為無不為」字畫，當時佢自言參透咗幾年領悟到唔同意思，叫記者都參詳吓。不過，貪湯嘅連串貪腐醜聞，顯示佢當年已成功參透字畫入面「知不足」嘅意思，自知當年貪得唔夠足，一於向着廉政專員嘅目標直跑，咁就貪多多都無王管啦，原來係「昨日的字畫，造就今天的他」。