立法會尋日下午仍就財政預算案二讀辯論，就喺下晝三點幾鐘，立法會大樓隔籬嘅特首辦忽然冒煙，當時拉布戰仲未開始，莫非拉布議員同官員嘅火藥已着火出晒煙？根據受訪者提供嘅相片所見，特首辦附近位置冒出有幾層樓高嘅白煙，遠睇就好似發生火警咁，而政府總部嘅火警鐘更加一度響咗幾分鐘。經過追查後，直到尋晚亦未有政府代表回應到冒煙原因，認真詭異。
