港府連番推出辣招打擊炒樓後，樓市交投急跌，有業主更開始割價求售。立法會特別財委會尋日開會時，有議員指近日樓市氣氛已出現轉變，質問港府會否調整樓市辣招。運輸及房屋局局長張炳良就斬釘截鐵咁話唔會急促改變政策，認為有業主減價只屬個別例子，政府需要時間觀察，留意樓價、成交量同整體經濟因素，若樓市出現重大變化，先會考慮調整政策。政府講得出要時間觀察，唔使一年都最少要半載，有意炒樓嘅市民睇嚟仲有排要捱辣！
