中環出更：新主席為保良局「換新衫」

點樣「換新衫」法？Eric解釋話，以前善團規模較細，二十個總理尚可應付，依家總理人數不變，但服務範圍倍增，就好似一個人肥咗，再着唔落件舊衫，係時候要換過件新衫喇。佢認為，適逢該局周年誌慶，係時候借助過去百多年經驗回顧及檢討，並整頓一下管理模式。

朝九晚九似打工

Eric話上任後超忙，首日開會由朝九開到晚九，周六仲要返半晝，笑言好似打工。講到嚟緊活動，Eric話，當然唔少得為該局搵「水喉」，頭炮係五月舉行嘅粵劇笑片籌款活動，遲啲會舉辦開放日供市民參觀，又會製造展板舉行巡展，讓大家更了解該局嘅歷史。