「修訂類似」免剪到手軟
心水清嘅人可能記得，去年底長津一役，都係剪咗一次布，點解今次要剪幾百次呢？因為去年有勞工及福利局局長張建宗配合，無啦啦向立法會提交新文件，改為只申請增加人手編制，變相令長毛針對長津嘅四百幾項修訂自動報廢。但今次預算案撥款，唔可以沿用舊劇本喇！
政府官場諗過度過，只能寄望曾鈺成以「修訂類似」作原因，將三百多項修訂合併辯論，咁樣到時只係需要剪一次布，然後再逐項修訂投票，雖然都係要花唔少時間，但係起碼唔使剪足三百次，剪到手都軟。
不過曾鈺成向來以開明見稱，決定點做嘅時候要照顧各方面睇法，上次長毛拉布，曾鈺成畀長毛提修訂，所以曾鈺成點決定，真係好難估計。