推動環保人人有責，最近觀塘區議會環境及衞生委員會有環保新猷，就係以手機太陽能充電器做贈品，日前就有區議員將呢個太陽能充電器圖片上載到社交網站，之後搞到一班網民有陣「小騷動」，有人即時問可以喺邊度有得買或索取，另有人老實不客氣想免費攞番個喎。
究竟呢個太陽能充電器點催生出來嘅呢？聽聞該委員會每年都會有筆錢專係製作紀念品，佢哋有見每年紀念品都係千篇一律，所以有次腦震盪諗下有乜新建議，之後就諗出訂製呢個太陽能充電器，主因係夠實用又夠環保喎。不過，呢類手機太陽能充電器最平都要百幾二百蚊一個，區議會使公帑真係夠晒疏爽。
（互聯網）