語文基準試考生狂咳，令同場考生不勝其擾！「成節考試都係咁大聲咳，真係好騷擾，好多人同監考員講咗都冇用，起碼有十幾廿人去咗投訴。」考生江先生早前於南昌街一中學應考教師英國語文基準試，指有關考試對教師非常重要，直言噪音滋擾令壓力大增。
考評局發言人證實，當日約有二十名考生向試場主任反映受咳嗽聲滋擾，強調監考員已即時處理問題。發言人續說，監考員於第一節評核其間發現有考生不斷咳嗽，曾要求該人戴上口罩但被拒；試場主任於第二節考試時，已安排考生移至較側位置；最後在下午第三節考試時，考生已獲安排到另一課室進行獨立考試。
「佢第三節先安排調走個考生真係好慢，如果下次考試又係咁就慘喇！」江稱兩年前曾於同一科考試時曾遇上同一問題，希望考評局職員能改善應變速度，令考生可專心應考。