政情：廢腑之言：毛孟靜好似亞視老闆

當委員會之後討論港台未來路向時，毛孟靜提出一個無約束力動議，要求政府確保港台編輯自主及遠離政治迫害。佢自知呢個係「阿媽係女人」嘅議案，但堅持要議員投票表態。

「阿媽係女人」議案遭鬧爆

唔少建制派議員都覺得毛孟靜嘅動議嘥時間，民建聯鍾樹根摷番毛孟靜寫畀主席嘅兩封信嚟講，反鬧佢先係粗暴干預新聞自由同編輯自主嗰個。鍾樹根鬧爆毛孟靜提出動議根本就係假惺惺，講一套做一套，冇嘢搵嘢嚟嘈，搞到好似佢先係亞視老闆咁。「阿媽係女人」議案最後有六票贊成、四個建制派議員就投棄權票。