政情：公民講場：政協冇份只因貪 曾流口水

第十二屆全國政協第一次會議今日閉幕，二千幾名政協尋日投票選出新一屆政協嘅領導層，包括主席、副主席同常委。尋日嘅結果係經過唔少角力同鬥爭，當中一度傳出前特首「貪曾」曾蔭權爵士有望做全國政協副主席，躋身國家領導人一員，後來經各方反對，貪曾終於主動發聲明，話北京有邀請佢做政協，但佢考慮到自己被廉政公署調查而「婉拒」。無論佢點講都好喇，總之今屆政協就無佢份啦。佢睇住個電視流口水流到乾晒，都無用o架喇。