政情：有相為證：何「仁」洩私隱

呢位讀者批評鐵頭仁辦事處外洩市民個人資料做法太疏忽，仲話︰「如果畀被投訴人見到，（投訴人）被人騷擾咁點算？」咁搞法，街坊搵佢幫手前真係要諗清楚先。不過，鐵頭仁就話唔知有件咁嘅事，而佢嘅辦事處職員就解釋，因為同事環保，所以用記錄紙背面寫低工作情況貼喺櫥窗。職員又話，啲個人資料同記錄表個案內容係無關嘅，只係咁啱寫埋一齊，佢哋以後會小心處理個人資料喎。