政情：公民講場：鵝頸橋打「曾」小人

車公靈籤向來為港人指點迷津，今年年初二車公就以一支下籤判定本港今年運程，解曰：「宜慎小人、凡事不利」。車公話到明要提防小人，到底小人係邊個呢？其實為香港種下禍根嘅小人，就只有「貪曾」前特首曾蔭權爵士，佢在任並冇好好解決民生問題，反而只懂向富商獻媚，利用職權貪盡海陸空、歎盡省港澳，留下各種難題畀新政府執手尾，呢啲唔係「小人」又係乜呢？喺廉政公署未有採取進一步執法行動前，搵鵝頸橋阿婆打呢啲小人就最啱喇。