病人惶恐 鬧爆醫院疏忽
【本報訊】「好過分！全部都係私隱嚟o架，畀人攞嚟做假卡仲得了！」受今次事件影響的病人，對於個人資料被遺失感到十分憤怒，擔心被不法之徒利用，申請信用卡及製造假卡，後果十分嚴重，要求醫管局徹查。
「冇病歷點判工傷索償」
任職廚師的五十三歲王女士，去年因工傷到沙田威爾斯親王醫院急症室求診，最近透過律師申請工傷賠償，正等待批核，她獲悉擔心私人資料外洩，對她不公平，亦影響她的索償，「依家工傷賠償都未判，如果冇咗病歷紀錄，仲可以憑咩去判？」王婦指摘：「直頭係醫院疏忽，依家睇醫生一啲保障都冇！」
病歷外洩亦涉及一名四個月大姓黃男嬰，去年十一月他因發高燒，由父母陪同到威爾斯親王醫院求診，黃母獲悉事件感到無奈，「好嚴重！我都唔識你，但你知晒我啲嘢，真係好驚」。
黃父更鬧爆院方，「（威院）仲可以點補救到？都出晒街啦！」
怕資料被盜用到處呃錢
姓呂（廿三歲）青年日前因出水痘到威院求診，目前仍於家中休養，他對事件感到不安，擔心有不法之徒會利用其個人資料到處「呃錢」。建築工人林先生，去年五月遇上工業意外受傷，傷及手肘，曾到醫院看醫生及要求寫報告申請法援，他坦言：「真係好嬲！咁重要嘅私人資料，就算唔要都應攞去碎紙機碎咗佢啦！」