港唯一女蛇王 靠柔力捉蛇
「細細個讀唔到書，阿爸開蛇舖，咪叫阿爸教我捉蛇劏蛇囉！」周嘉玲十多歲起已與蛇為伴，曾活捉十二呎長、被喻為亞洲第一毒蛇的過山烏，巾幗不讓鬚眉，但「威水」背後亦飽嘗不少辛酸，如因是女兒身而被客人看輕，被蛇咬傷的傷口不計其數！她慨嘆經營蛇業太辛苦，不會強迫家族後輩承傳，惟靠自己「做得幾耐得幾耐」。
成警方「捉蛇專家」
周嘉玲是本港唯一的女蛇王，家中七名子女中她排行最大，身為大家姐自小便到父親的蛇舖幫手，惟最初未獲顧客信任，擔心女人力氣不足難捉蛇，「我同啲客講咩蛇有咩補，無人理我，佢哋會質疑你得唔得架？慢慢靠實力先有客認同。」她強調女人捉蛇不難，「蛇唔係靠大力去捉，你愈用力蛇愈掙扎反而捉唔住，用柔力反而先捉穩條蛇。」
她的捉蛇本領亦獲警方賞識，七、八十年代起成為警方「捉蛇專家」，最難忘九七年六月十九日奉召到西貢船上捉蛇：「警方話係無毒蟒蛇，我就咁戴對勞工手套就去，但原來條所謂蟒蛇，竟然係消防喉咁粗嘅過山烏！我最壞打算係跳海逃生，好彩蛇近視，我不動聲色慢慢靠近，一手捉實佢個頭！」
本報記者