尋日新民黨主席葉劉淑儀開會期間埋首起勢咁打字（圖），打字速度仲快過秘書姐姐，唔知以為佢練緊速記，或者做緊逐字記錄。葉劉尋日時而打字，時而望住個螢幕沉思，個螢幕藍藍白白，原來佢係玩緊facebook，至於寫緊咩呢？原來係寫緊自己呢幾日出席過乜活動。葉劉親力親為更新facebook，十分認真，難得佢喺會上提問亦頭頭是道，唔覺佢因為玩facebook而分心。
