騙徒扮社工假補習呃錢

居住在馬鞍山欣安邨的林女士，女兒在馬鞍山信義學校讀小學三年級。林女士稱，上周五晚上九時，一名男子自稱是「政府青年中心」社工登門，講出其女兒姓名及就讀學校，指其女兒被政府抽中，可以每月三百六十元享用打電話問功課服務。林女士指女兒英文差，「得六十分，我哋兩公婆又要返工，一心想搵人幫個女補習，所以心郁郁！」

收取全年3600元費用

她與丈夫見對方能說出女兒個人資料，襟前亦掛上一張證件，誤以為是政府或學校派來，於是開門讓他入屋詳談，詎料對方要林女士即時登記，並繳交三千六百元費用，聲稱是整個學年費用，林女士嫌貴，「咁貴！喺學校補都唔使咁多錢！」

她查問補習形式，對方表示每日下午三時至五時，打指定電話會有專人解答功課疑難，林女士認為女兒仍讀小學，電話上問功課難以表達，加上懷疑對方詐騙，於是拒絕，對方登時變臉，「你點做媽咪o架，為咗個女幾百蚊都唔畀，佢成績唔好點算！咁啦，先畀五百嘞，其餘啲再到銀行入數」，林女士要求他留下聯絡電話後，便要求他離去。

收錢即走 電話無人聽

林女士事後向街坊講述有關事件，發現不少居民亦有同樣經歷，更有家長中招付款，「最恐怖係佢知道我個女個名同喺邊度讀，好似好清楚我哋啲資料！」其中一名中招女街坊梁女士表示，孫女在區內讀小學三年級，去年六月一名外表斯文的男子上門，亦自稱是「政府青年中心」職員，同樣講出孫兒姓名及所讀學校，指其孫女成績唔理想，只要她付出三千元，可替其孫女補習一年，梁女士表示「冇咁多錢！」對方隨即要求梁先付三百元，梁於是付錢，對方寫一張收據給她，又指「上面有電話，打電話去問功課，梁才知道並非補習，但對方收了錢便離去，但留下的電話並無人聽，知道被騙，但她怕事不敢報警。

林女士昨日致電馬鞍山警署講述有關事件，但警員以她沒有損失，拒絕受理其個案。她又稱，許多中招街坊不敢報警，「驚事後畀佢哋滋擾」。

此外，一名居於牛頭角公屋的家長昨日在親子網站表示：「剛才佢（中心）嗰啲職員上來，仲係無先打電話來做家訪……我無畀過我女啲資料他，他居然知道我個女數學差。」

突發組