政情：公民講場：怕咗立法會 金發局兜路行

特首梁振英喺施政報告宣布成立金融發展局，委任行政會議成員史美倫為主席，但以擔保有限公司形式成立，而唔係好似貿易發展局同旅遊發展局咁定為法定機構，好明顯就係擔心將件事交去立法會會有無底深潭嘅辯論，甚至陷入拉布嘅困局，所以決定繞得過就繞，對立法會避之則吉，甚至連金發局嘅經費，都唔使經立法會財務委員會撥款。不過議員們當然唔會咁順攤，金發局能否成功避過立法會，值得留意。