港鐵修扶手梯 被指歎慢板
「整咗幾個月都未整好，扶手電梯啫，使唔使整咁耐呀？」區先生指出，港鐵柴灣站近Ａ出口的扶手電梯維修工程已展開多時，至今仍未竣工，不滿港鐵「歎慢板」，對乘客造成不便，「（港鐵）淨係識加價，服務就愈嚟愈差！」
港鐵發言人解釋，有關扶手電梯於去年十月底起展開大型翻新工程，工程有別於日常維修保養，需更換及翻新大部分零件，以及進行詳細測試及驗收，要較長時間進行，預計扶手電梯即將重新投入服務。發言人又強調，已安排職員在場提示乘客，保持人流暢順。
「維修保養無錯係重要，明知要維修就應該準備好啲零件先開工啦，搞足幾個月真係好影響！」區先生對扶手電梯需作保養表示理解，惟要求港鐵日後再進行同類工程時，應先研究縮短維修時間方案，以免影響服務質素。