不過有熟悉佢嘅法律界人士透露，法律界的確有唔少人係攣嘅，但相信唔包括袁國強，因為佢曾經有過好多女友！
多次拍拖 未能結果
呢位法律界人士表示，話袁國強多女友，並非指佢鍾意花天酒地或者一腳踏幾船，而係曾經見過佢喺不同時候與不同嘅女性拍過拖，當中有啲係法律界同行，亦有啲係圈外人，仲試過拖埋女伴一齊出嚟見朋友，但最終全部都未能開花結果。
袁國強年紀輕輕就做咗資深大律師同做過大律師公會主席，經濟條件一流，加上佢談吐溫文，樣貌身形亦唔差，除咗煙癮比較大之外，表面上睇唔到有乜缺點，點解拍幾次拖都中途斷纜呢？法律界人士就話唔多清楚喇。堂堂金牌王老五，老套啲講，等緣分啩。