領匯壞扶手梯 整成個月未掂
領匯轄下商場扶手電梯故障遲遲尚未完成維修，惹起居民不滿。位於葵涌的石蔭商場設有扶手電梯，陳女士發現商場一樓上行扶手電梯於去年十二月初故障，但至今仍未完成維修，「壞咗差唔多成個月都唔見人嚟整，搞到啲街坊成日要行電梯，真係好唔方便！」
領匯發言人承認，上述扶手電梯因扶手帶損壞而需暫停運作，期間另一扶手電梯及旁邊的升降機一直保持正常運作，商場職員亦於繁忙時間在扶手電梯旁協助有需要人士。發言人又說，更換扶手帶工程已安排於一月初展開，並於同日下午完成，現時扶手電梯已恢復正常運作。
「原本整一日就搞掂，點解要拖咁耐！」陳女士直斥領匯延誤維修，漠視居民需要，要求領匯日後須盡快維修轄下設施，改善效率。