尋日一班泛民主派立法會議員就彈劾特首梁振英（CY）進行辯論，佢哋為咗凸顯彈劾動議嘅意義，好多個都話今次彈劾動議係創造歷史，就連老鴿民主黨何俊仁都話今次彈劾動議係歷史性一刻喎。其實泛民喺上屆立法會已經向貪盡海陸空嘅「貪曾」前特首曾蔭權爵士提出彈劾動議，但因為佢哋當時顧住就立法會議員出缺安排及架構重組大玩「拉布」拖時間，搞到彈劾貪曾議案無法喺大會上展開辯論，變相放生貪曾，點解班泛民依家為咗砌CY而扮晒失憶呢？
