雪糕筒霸位 違泊行人路
「冇人嚟抄牌，佢哋就好似攞正牌咁泊上行人路，有時仲擺埋雪糕筒霸位！」在灣仔區工作的郭先生發現，每日中午時分，告士打道近迴旋處均有不少車輛於行人路停泊，令行人路頓變泊車位。郭稱鮮見警方到場執法，情況已幾近失控，近日更有人公然於行人路上放置雪糕筒，懷疑霸佔位置供車輛停泊。
警方發言人指，截至去年十一月共接獲五宗涉及上址的違泊投訴，期間發出近一百三十張各類型定額罰款告票，惟未有錄得非法擺放雪糕筒的投訴紀錄，但會繼續留意情況，並加強在上址的執法行動。
郭先生指有關違泊情況至今仍持續，「投訴完嗰幾日就好咗啲，但過幾日又係咁，警察真係要認真諗下辦法先得！」郭建議當局於上述路段加設欄杆，防止車輛駛上行人路，以徹底解決問題。