屯門區議員陳雲生近日發現澳門多咗樣新事物，就係澳門行政公職局上月初推出嘅選民登記自助服務系統，澳門居民只要以個人身份證插入一部好似銀行櫃員機嘅系統，然後再打手指模，完成相關程序就可辦妥登記，方便快捷。佢批評，香港選民登記一直經由第三者協助處理，歷來飽受種票疑雲困擾，相信引入自助登記系統可解決有關問題，可惜「貪曾」前特首曾蔭權爵士在任時經常過澳門淨係識同富豪飲飲食食，人哋啲好嘢就唔識借鏡，實在令人遺憾！
