成功率作升職指標
自稱統計處前訪問員陳先生昨致電電台表示，處方很着重統計員做問卷的成功率，作為統計員能否升職的重要指標，「所以有啲同事為咗維持成功率喺百分之九十五、九十六，所以會揀（住戶）嚟做。」至於處方堅稱有效的數據覆檢制度，陳先生直指已名存實亡，「我曾經喺覆檢時，發現統計員訪問嗰個戶主，根本唔想講自己係家庭主婦，但份問卷就寫住家庭主婦，就算同上司投訴，佢都只會話呢啲嘢冇得搞。」
陳先生認為，造假事件是統計處內部監管制度問題，亦是員工間「公開嘅秘密」，但因「家醜不出外傳」，即使統計處設有工會，亦從來無人提及事件，變相鼓勵更多員工造假。