政情：八網難逃：黃之鋒坐吊臂「學」Tree根

天下好橋一大抄，學民思潮前日租咗架吊臂車喺鬧市掛大型標語，之後被網民質疑佢哋有「水喉」射住，仲話佢哋冇專業資格坐吊臂車。學民思潮成員黃之鋒即刻喺網上貼出租車收據澄清，仲話租吊臂車嘅靈感其實源自民建聯鍾樹根喺立法會選舉期間租吊臂車喺灣仔港鐵站升上天橋拉票喎。不過，樹根好明顯都係抄傳媒去年初租用吊臂車採訪唐英年嘅九龍塘大宅僭建啦！當時本報率先租用吊臂車採訪，引來其他傳媒爭相倣效，依家連示威抗議都引入埋吊臂車，令吊臂車生意財源滾滾來。