渡海濠情:有心有力 計劃積極

今日係2013年元旦,祝願男極圈所有讀者新年快樂、有心有力,正所謂一年之計在於春,唔知大家喺新嘅一年,有乜嘢大計呢?嚟自凱旋桑拿嘅靚女技師盼盼,就話今年計劃多籮籮喎!

半夜叉電

盼盼話:「打咗幾年工,好想出嚟大展拳腳,至於做乜嘢?早就諗好晒,其中一個項目就係開午夜咖啡店,唔怕話畀你知,我沖咖啡嘅手勢真係一流,好多男朋友飲過都讚不絕口,所以我對呢個項目信心十足。」但點解要開間午夜咖啡店呢?盼盼話:「我天生就係夜鬼,識嘅朋友又係夜鬼,做生意唔開喺半夜,咪搵自己笨?其次大家咪以為咖啡只適合朝早飲,其實好多夜鬼玩到半夜唔夠電,都想飲杯咖啡嚟叉叉電,又可以蒲到天光。」

大展鴻圖

除咗想開咖啡店,盼盼原來仲有大計。「好想搞個交友中心,你咪心邪,我開嘅係正經嘅交友中心,每晚都安排好晒節目,畀啲單身男女嚟認識新朋友,家陣最常見嘅就係飯局,我覺得好悶囉!對住個唔啱心水嘅對象,成晚會比死更難受,換轉係我搞,一定會搞派對,一來大家易投入,二來氣氛又好,三來大家可以靈活走位,至於兩情相悅,會唔會馬上有下文呢?我真係唔知,但有都冇壞,會令我嘅生意大展鴻圖添。」估唔到盼盼咁有商業頭腦。

盼盼Profile  

年齡:21歲

三圍:34-23-34

撰文:小德

攝影:阿昌