探射燈：豆豉鯪魚平爆員工兼銷愛心
家園便利店除提供平價貨物予低下階層，更聘用新移民及失業人士作店員，達致助人自助。「今日豆豉鯪魚好抵，用嚟炒油麥菜同苦瓜都好好味。」在天水圍店任職逾四個月的售貨員石楚如，對於店內的貨品瞭如指掌，落力地向每位顧客推介優惠價貨品。現年二十八歲的阿如，○九年由內地汕尾嫁來香港，來港後積極投入香港社會，曾在五金舖任職，今年八月轉往家園店任兼職，及後更轉為全職。
「我哋好似一家人」
「喺度做嘢好開心，同事對我好好，好肯教我，我哋好似一家人。」阿如自言由從事五金至成為售貨員，初期曾感困難，對於收銀、售貨及執倉可謂一籌莫展。但經過數月訓練，阿如現時對店內的情況全在掌握之中，匆匆接受訪問後，阿如即返回崗位，忙着招呼客人、介紹貨品、替會員登記及收銀。短短數月間，阿如由兼職售貨員到全職，她對未來亦充滿信心，「我希望慢慢做，慢慢學，終有日可以做到店長。」
「呢度除咗係一間便利店，亦可以係一個家。」該店店長林姑娘直言，希望店內的店員與顧客能有互動，不只銷售貨品，還要銷售愛心，讓每位顧客前來都有家的感覺。