違泊車阻巴士 危害乘客
「啲車成日泊喺度，巴士根本埋唔到站，乘客要走晒出馬路上車，真係好危險！」陳先生指出，上水龍琛路巴士站附近違例泊車問題嚴重，令巴士經常無法埋站上、落客，乘客更要被迫走出馬路登車致險象環生，要求警方加強打擊，保障乘客安全。
警方發言人稱，知悉上址有車輛違泊情況，並一直按照「靈活執行交通法例政策」向違規車輛作出執法行動。過去一年，上水警署共接獲八宗上址有車輛違泊投訴，並向有關人士發出二十七張定額罰款告票。
當區區議員王潤強表示，曾就問題向運輸署及警方投訴，惜情況至今仍未見改善，「巴士唔可以埋站上落客，乘客有危險之餘仲阻住車行，問題一定要解決！」王建議運輸署透過改善道路設計改善問題，亦要求警方加強執法以作打擊。