電梯雨天即停 領匯離譜
商場電梯每逢雨天例必圍封，居民直斥領匯「離譜」！青衣居民張伯不時到長康二期商場購買日用品，發現商場扶手電梯每逢下雨天必被圍封，「都唔明點解落親雨就唔用得，幾十歲人行唔到咁多級樓梯，要兜個大圈先有(車立)搭，幾年嚟都係咁，真係好唔方便！」
當區區議員徐曉杰指出，有關商場早在四、五年前經已有天花滲漏問題，故每逢雨天領匯職員均會以帆布遮蓋受滲漏影響的扶手電梯，雖曾見有搭棚進行維修，但情況從未改善，「落親雨條電梯都要封，同領匯反映，次次都話停雨就整，但咁多年嚟問題都冇改善過！」徐要求領匯盡快修妥天花，勿再給居民「假希望」。
領匯發言人稱，有關商場地下至一樓之扶手電梯頂逢出現滲漏，為保障訪客安全，下雨時會將扶手電梯暫停，強調近月正進行維修工程，待工程完成後將恢復正常。發言人續稱，工程期間管理處有張貼告示，指示有需要人士使用鄰近之升降機。