中環出更：觀音像將落成 莊學山期待

位於大埔洞梓慈山寺興建嘅世界第二高戶外青銅觀音像，工程已接近完工，有份協助建像嘅中華總商會副會長莊學山透露，上月初已有高僧為觀音銅像進行一次法事，並恭迎香港法師進駐，待三個月後所有佛像抵港及安放後，最快可望於明年初開放。莊學山早前喺一個酒會上講起尊觀音像，眼神充滿期待，大讚呢尊白衣觀音像，法相莊嚴祥和，他日開放，將會係洗滌心靈嘅好地方。
身為虔誠佛教徒嘅莊學山（左）與高佩璇（右）都話好期待大埔觀音像落成。（徐家浩攝）
身為虔誠佛教徒嘅莊學山（左）與高佩璇（右）都話好期待大埔觀音像落成。（徐家浩攝）

用580噸純青銅鑄造

莊學山講完觀音像後無耐，卓妮第一時間到大埔洞梓睇吓尊觀音像，觀音像已漆上白色，一臉慈祥，遠處清晰可見，但觀音像下半身仍裝有棚架進行工程。觀音像高七十六米，用上五百八十噸純青銅鑄造，與大嶼山天壇大佛相對，而觀音像目光向下，寓意以慈悲為懷俯視眾生。

大埔洞梓戶外觀音像已將近完工。（葉華英攝）
  • 大埔洞梓戶外觀音像已將近完工。（葉華英攝）

第一手消息請下載on.cc東方互動iPhone/iPad/Android/Windows Phone Apps