移走閘欄 私闢「停車場」
「我嗰日明明行緊行人路，但竟然有車『砵』我，原來側邊個欄杆畀人移走咗，啲車泊晒上條路度！」王小姐日前途經粉嶺安全街通往安居街的行人路時，突然被響號驚嚇，始發現路旁閘欄早被移走，多部車輛正駛上行人路停泊，「當正條行人路係停車場咁，到底行人路喺咪畀人行o架！」
路政署發言人證實，經派員實地查察後，發現上址的閘欄被移至一旁，已即時指示承建商安裝該閘欄至原有位置，安裝工作現已完成。
警方發言人則稱，接獲轉介後已提醒巡邏人員在上址對違例車輛採取適當行動，以確保行人安全。
「唔係求其搬番個欄去原位就算，啲人拆得一次就會拆第二次，一定要嚴厲啲打擊！」王小姐不滿部門的回應有欠積極，又認為違泊車輛一旦阻塞消防通道後果堪虞，要求當局正視。