這是一個抉擇的年代！在政事不堪提，經濟又低迷的時刻，東方報業集團全新刊物《好報》閃爍登場，港九新界百幾個旺區，《好報》一早便被搶空！
《好報》一出，誰與爭鋒！反應之好，無非證明老朽所講，睇《好報》活潑雙眼，正正是「快意當前適觀而已矣」！《好報》在手，點止笑爆口！佢更衝擊你嘅視野！講真，呢幾年，當政府、政黨都厚顏自吹「為青年事事關心、為社會處處着力」的時候，上帝就笑了！如今，睇「功夫茶」講，《好報》雖然一樣有「狗仔隊」，之不過與壹淫媒的不擇手段，罔顧道德截然不同，《好報》賦狗仔文化全新定義，能人所不能，爆人所不爆，老朽一言以蔽之，即係爆料有理！《好報》狗仔隊一出，亂臣賊子懼！唔怪得之話《好報》為社會帶來正能量啦！總之，信政府、政黨，不如信《好報》！
老朽睇過德國漫畫家卜勞恩一組漫畫，繪一隻小鳥忘情地唱歌，一隻貓睇唔過眼，瞪住佢，小鳥一於懶理，誓要唱出美麗春天。這隻貓靜悄悄溜到小鳥身後，一口把牠吞到肚裏。
接下來，但見這隻小鳥從貓的肛門裏鑽出來，牠的嘴巴依然在嘹亮的引吭高歌！這組畫雖誇張，表達的卻是一種至高品質的精神追求；這小鳥內心有一首歌，牠必須把這首歌唱出來！這種弘揚正義，揭露醜惡的精神，不正是同文所指出的：《好報》貫徹正義傳媒的「道」——好人固然可以得到好報，壞人則寢食難安矣！
手握《好報》，除了品味潮流，追求時尚，更可體會人間美醜！