好友爆話有嘢搞
今次南美之旅，據聞唐唐兩公婆會由巴西開始一路玩落去阿根廷，最尾一站先至到南極，好似話玩足個幾月先會返香港。雖然南極呢啲極地天氣好寒冷，但睇怕唐唐兩公婆一早做好晒準備，幾凍都唔怕啦！
唐唐連南極都玩埋，究竟返香港後有咩大計呢？據唐唐身邊好友透露，唐唐從來冇講過話退休，相信休息夠後都會搵啲嘢搞吓，至於會搞咩呢？呢位好友就大賣關子喇。
不過，記得唐媽媽講過，自唐唐從政咁耐，佢就幫手睇住盤家族生意咁耐，所以唐唐落選後，佢係時候功成身退歎世界，如果唐唐返港後又再搞嘢，咁唐媽媽咪甩唔到身？
唐唐外遊梳乎，相反特首梁振英當選後忙個不停，嚟緊又要忙於撰寫明年發表嘅施政報告喇。