探射燈：遊客最愛跳蚤市場淘寶

大商場行到無癮

「死佬（店主），快啲同我出嚟！」熟客關太一有時間便來到跳蚤市場尋寶，亦漸漸與場內的工具用品店店主張先生建立深厚感情，交易期間不時開懷大笑，歡樂氣氛滿載。「呢度最大特色除咗平，最重要係有大商場冇嘅投入感，有得摷、有得喺貨堆尋寶之餘又有得講價，你唔去過就唔知有咩筍嘢，香港已好少有呢類市場。」她續指，大商場的店舖一式一樣，連貨品擺放的款式亦類同，「行到冇晒癮！」

「出面舖頭攞番嚟嗰啲行貨，周街都有。」張先生認為跳蚤市場靠售賣特色貨品，可殺出一條血路。對於香港跳蚤市場發展空間受限制，關女士直言：「如果冇咗（跳蚤市場），我會好慘！」採訪當日，記者巧遇導演錢國偉，錢有意在該市場取景，認為該市場碩果僅存，理應保留，「呢度真係好有香港特色，攞景一流。」

早前場內貼出告示，通知該市場十二月底便會結業。

錢國偉指有意在該市場取景，亦同意該類市場已屬碩果僅存。