政情：廢人廢語：鬍鬚曾計錯數好辯駁

聽取意見時被質疑

鬍鬚曾話，佢近日同特首梁振英會見不同界別人士，聽取對來年施政報告同財政預算案意見，有人質疑佢錯估收入，會影響政府開支，令一啲有需要嘅服務無開展到。佢尋日喺網誌解釋話，因為歷年利得稅、薪俸稅及印花稅收入波動太大，數目相差二至十五倍不等，令佢唔可以準確預測財政收入喎。鬍鬚曾年年估錯數不特止，仲要講到咁做只係迫不得已，唔關佢事。佢無講自己能否說服嚟畀意見嘅人，不過如果因為佢估錯數而影響唔同界別人士發表意見嘅意欲，咁就唔好喇。