居民憂心「最多唔出街！」
【本報訊】斬人狂魔再度「即興斬人」後疑匿藏大廈，令瑞滿樓住戶人心惶惶，恐出門時遇襲，又擔心鄰居原來是兇徒，甚至有住戶已打算足不出戶「自保」，直至警方將疑兇繩之於法。由於警方封樓搜查，令大批住戶有家歸不得，既徬徨又無奈，促警方盡快緝兇及讓他們回家。
被迫夜歸 靠自己小心
因警方封樓調查而在樓下苦等回家的瑞滿樓住戶馮小姐：「個男人亂咁斬人，好驚呀！」但她因工作關係不得不夜歸，嘆謂：「都冇辦法o架啦，惟有自己小心啲……如果有人跟住嘅話，咪兜吓圈先返屋企囉，或者搵屋企人接送。」就讀香港專業教育學院（IVE）的住戶蘇小姐感到十分驚慌，指日後若發現可疑人物會盡量避開。而附近居民羅小姐則乾脆說：「最多咪唔出街！」等警方拘捕兇徒後再算。
另一名居民鄧先生指自己被迫在外晚膳，並說：「驚就一定驚o架啦，但都係只可以小心啲同望周圍多啲……我哋都冇咩可以做。」另一名姓盧的中五學生，僅身穿短袖衫褲瑟縮於一角，並坦言：「有斬人狂梗驚啦，但我依家擔心自己凍死或者餓死，多過畀人斬死！」另一名女居民表示，雖明白警方搜查需時，但仍希望現場盡快解封，可早些回家。