政情：邵善波上場後動作多多

相反特首梁振英不時把「官產研學」掛喺嘴邊，中策組首席顧問邵善波上場後即時大展拳腳，包括建議喺中策組開設一個全職非公務員職位，明眼人都睇得出佢好想做出一番成績。

中策組要做好研究工作少不免要搵更多人幫手，據悉當局已向立法會提出兩項建議，第一喺中策組開設全職非公務員職位，第二係喺中策組轄下策略發展委員會秘書處開設首長級丙級政務官編外職位，雖然呢兩個職位具體工作暫時未明，但用意明顯係希望加強相關協調工作。

事實上，邵善波自七月中「坐正」做中策組首席顧問後「動作多多」，同各政策局亦展開良性互動，據聞個別政策局已陸續主動「掛單」搵中策組做研究項目，中策組亦樂於「多啲嚟密啲手」，究竟邵善波領導嘅中策組仲有乜新猷，兼且能否做出好成績，呢個大家要拭目以待喇！